અમદાવાદ- Stock Market India શેરબજારમાં ત્રીજા દિવસે ઘટાડો રહ્યો હતો. બીએસઈ સેન્સેક્સ(BSE Sensex) 313 પોઈન્ટ ઘટી 84,587 બંધ થયો હતો. એનએસઈ નિફ્ટી(NSE Nifty) 74 પોઈન્ટ ઘટી 25,884 બંધ થયો રહ્યો હતો. બેંક નિફ્ટી(Bank Nifty) 15 પોઈન્ટ 58,820 બંધ હતો. કયા કારણોસર વેચવાલી રહી? શેરબજારમાં(Share Market India) ત્રણ દિવસના ઘટાડા પછી સુધારો આવશે? નિફ્ટીમાં 25,850 મહત્ત્વનું લેવલ. જૂઓ વીડિયો….
સેન્સેક્સ વધુ 313 પોઈન્ટ ઘટ્યો
મુંબઈ શેરબજારનો સેન્સેક્સ 85,008ના મજબૂત મથાળે ખૂલ્યો હતો, શરૂમાં વધુ વધી 85,110 થઈ અને ત્યાં જોરદાર વેચવાલી નીકળતાં તૂટી 84,536 થઈ અને ટ્રેડિંગ સેશનને અંતે 84,587.01 બંધ થયો હતો. જે ગઈકાલના બંધની સરખામણીએ 313.70નો ઘટાડો દર્શાવે છે.
નિફ્ટી વધુ 74 પોઈન્ટ તૂટ્યો
નેશનલ સ્ટોક એક્સચેન્જનો નિફ્ટી ઈન્ડેક્સ 25,998ના મજબૂત મથાળે ખૂલીને શરૂમાં વધીને 26,032 થઈ અને ત્યાંથી ઝડપી ઘટી 25,857 થઈ અને ટ્રેડિંગ સેશનને અંતે 25,884.80 બંધ થયો હતો, જે ગઈકાલના બંધની સામે 74.70 બંધ રહ્યો હતો.
સવારનો સુધારો ટક્યો નહી
અમેરિકન સ્ટોક માર્કેટની તેજી પાછળ સવારે એશિયાઈ સ્ટોક માર્કેટ મજબૂત ખુલ્યા હતા. તેની પાછળ ભારતીય શેરોના ભાવ પણ ઊંચા મથાળે ખુલ્યા હતા. જો કે આ સુધારો ઝાઝુ ટકી શક્યો ન હતો. દરેક ઊંચા મથાળે વેચવાલી આવી હતી. ખાસ કરીને આજે ફ્યુચર એન્ડ ઓપ્શન કોન્ટ્રેક્ટનો આજે છેલ્લો દિવસ હતો. જેથી મોટાભાગે ઉભી પોઝીશન સ્કેવેરઓફ કરવારૂપી ટ્રેડિંગ વિશેષ હતા. જેથી તેજીવાળા ખેલાડીીઓએ ઊંચા મથાળે વેચવાલી કાઢી હતી. અને શેરોના ભાવ એકતરફી ઘટ્યા હતા.
મીડકેપ અને સ્મોલકેપ શેરોમાં તેજી
આજે મંથલી એક્સપાયરી હતી, જેથી બ્લૂચિપ સ્ટોકના ભાવ ઘટ્યા હતા. જો કે મીડકેપ અને સ્મોલકેપ શેરોમાં ઈન્વેસ્ટમેન્ટરૂપી નવી લેવાલી આવી હતી. પરિણામે મીડકેપ ઈન્ડેક્સ 216 પોઈન્ટ પ્લસ બંધ હતો. સ્મોલકેપ ઈન્ડેક્સ 105 પોઈન્ટ વધ્યો હતો.
એડવાન્સ ડેક્લાઈન રેશિયો પોઝિટિવ
આજના બજારમાં એડવાન્સ ડેકલાઈન રેશિયો પોઝિટિવ હતો. 1642 શેરના ભાવ વધ્યા હતા અને 1476 શેરના ભાવ ઘટ્યા હતા.
33 શેર બાવન વીક હાઈ પર બંધ હતા અને 219 સ્ટોક બાવન વીક લો પર બંધ હતા.
66 શેરમાં અપર સર્કિટ બ્રેકર લદાઈ હતી અને 69 સ્ટોકમાં લોઅર સર્કિટ આવી હતી.
ટોપ ગેઈનર્સ
બીઈએલ(1.68 ટકા), હિન્દાલકો(1.44 ટકા), એસબીઆઈ(1.33 ટકા), શ્રી રામ ફાયનાન્સ(1.26 ટકા) અને ડૉ. રેડ્ડી લેબ(0.80 ટકા)
ટોપ લુઝર્સ
અદાણી એન્ટરપ્રાઈઝ(2.91 ટકા), તાતા મોટર પેસેન્જર વ્હીકલ(1.59 ટકા), ટ્રેન્ટ(1.49 ટકા), ઈન્ફોસીસ(1.15 ટકા) અને પાવરગ્રીડ(1.14 ટકા)