નવી દિલ્હી– Mutual Fund Investment હવે મ્યુચ્યુઅલ ફંડમાં રોકાણ કરવું વધુ સરળ બનશે. મ્યુચ્યુઅલ ફંડ ફોલિયો ખોલતાં અને સૌથી પહેલા રોકાણની પ્રક્રિયા વધુ સરળ થવા જઈ રહી છે. આ સંદર્ભમાં સેબી(SEBI)એ કન્સલેટશન પેપર જાહેર કર્યા છે.
KYCના નિયમોનું પાલન
માર્કેટ રેગ્યુલેટર સિક્યોરિટી એન્ડ એક્સચેન્જ બોર્ડ ઓફ ઈન્ડિયા(SEBI)એ મ્યુચ્યુઅલ ફંડ ફોલિયો ખોલતા પહેલા અને સૌ પ્રથમ વખત રોકાણ કરવા માટેની એક યુનિફોર્મ પ્રોસેસ તૈયાર કરવાની વાત કરી છે. આ સંબધમાં સેબીએ ગુરુવારે એક કન્સલટેશન પેપર જાહેર કર્યા છે. સેબીનો હેતુ એ સુનિશ્ચિત કરવાનો છે કે કોઈપણ રોકાણની મંજૂરી મળ્યા પહેલા તમામ નવા ફોલિયો એસેટ મેનેજમેન્ટ કંપની(AMC) અને કેવાયસી(KYC) રજિસ્ટ્રેશન એજન્સી(KRA) બન્ને લેવલ પર પુરી રીતે કેવાયસીના(KYC) નિયમોનું પાલન કરે.(Mutual Fund Investment)
SEBIનું સૂચન
આ દરખાસ્ત અનુસાર રોકાણકાર પોતાનું પહેલું રોકાણ ત્યારે કરી શકશે જ્યારે કેવાયસી(KYC) રજિસ્ટ્રેશન એજન્સી દ્વારા કેવાયસી વેરિફિકેશન પુરી કરી લે અને ફોલિયોના નિયમો અનુસાર યોગ્ય રીતે માર્ક કરી દેવામાં આવે. સેબીએ સૂચન કર્યું છે કે રોકાણકારોને દરેક સ્ટેજ પર તેમના કેવાયસી સ્ટેટ્સની જાણકારી તેમના રજિસ્ટર્ડ ઈમેલ અને મોબાઈલ નંબર પર આપવામાં આવશે.
નવો ફોલિયો
કન્સલેટશન પેપરમાં જણાવ્યું છે કે નવા ફોલિયો ખોલતા પહેલા કેવાયસી વેરિફિકેશન ફરજિયાત હોવાના નિયમ છતાં પણ અલગ અલગ પ્રક્રિયાઓને કારણે નિયમોનું પાલન યોગ્ય રીતે થતું નથી, તેવા કિસ્સા સામે આવ્યા છે. સામાન્ય રીતે એસેટ મેનેજમેન્ટ કંપની પહેલા તેની રીતે તપાસ કરતી હોય છે. અને ત્યાર પછી ડોક્યૂમેન્ટ્સને આખરી વેરિફિકેશન માટે કેવાયસી રજિસ્ટ્રેશન એજન્સીને મોકલી આપે છે.
અનેક પ્રકારની મુશ્કેલી
પરંતુ જો કેવાયસી રજિસ્ટ્રેશન એજન્સીને કોઈ ગરબડ જણાય તો ફોલિયોને નોન કમ્લાયન્ટ(નિયોમની વિરુદ્ધ) માર્ક કરી દે છે. ત્યા સુધીમાં આ મુશ્કેલીઓમાં સુધારો કરાતો નથી, તે ત્યાં સુધી એવું જ રહે છે. આને કારણે અનેક પ્રકારની મુશ્કેલીઓ આવતી હોય છે. જેમ કે ટ્રાન્ઝક્શનમાં મોડુ થવું, રોકાણકારો સુધી યોગ્ય જાણકારી પહોંચી નથી અને અનક્લેમ્ડ અથવા રીડમ્પ્શનના મામલા વધે છે.
સમસ્યાઓમાંથી છૂટકારો
આવી બધી અનેક સમસ્યાઓમાંથી છૂટકારો મેળવા માટે સેબીએ મ્યુચ્યુઅલ ફંડ ફોલિયો ખોલતાં પહેલા અને પ્રથમ રોકાણ કરવાની પ્રક્રિયાના નામે એક ડ્રાફ્ટ સર્ક્યુલર જાહેર કર્યો છે. જેમાં એસેટ મેનેજમેન્ટ કંપની કેવાયસી રજિસ્ટ્રેશન એજન્સી અને બીજા વચ્ચેનાઓ માટે એક સ્ટાન્ડર્ડ તરીકેનું કામ કરશે. સેબીએ નિર્દેશ આપ્યો છે કે આ નિયમને લાગુ થયા પછી પોતાની સીસ્ટમ અપડેટ કરવી.
Mutual Fund એટલે શું?
મ્યુચ્યુઅલ ફંડ એ એક વ્યાવસાયિક રીતે સંચાલિત રોકાણ કરવાનું સાધન છે.(Mutual Fund Investment) જે અનેક રોકાણકારો પાસેથી નાણાં એકત્રિત કરીને સ્ટોક(શેર), બોન્ડ, સોનું અથવા મની માર્કેટ ઇન્સ્ટ્રુમેન્ટ્સ જેવી સંપત્તિઓમાં રોકાણ કરે છે. તે SEBI (સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયા) ના નિયમો હેઠળ ફંડ મેનેજર્સ નામના નિષ્ણાતો દ્વારા સંચાલિત થાય છે.
મ્યુચ્યુઅલ ફંડના પ્રકાર
1. ઇક્વિટી ફંડ્સઃ
- કંપનીના શેરોમાં રોકાણ કરે છે.
- લાંબા ગાળાના રોકાણકારો માટે યોગ્ય છે.
- વધુ જોખમ, વધુ વળતર આપે છે.
2. ડેટ ફંડ્સ
- બોન્ડ્સ, સરકારી સિક્યોરિટીઝ વગેરેમાં રોકાણ કરે છે.
- ઓછા જોખમવાળા રોકાણકારો અથવા ટૂંકા ગાળાના લક્ષ્યો માટે યોગ્ય છે.
3. હાઇબ્રિડ ફંડ્સ
- ઇક્વિટી અને ડેટનું મિશ્રણ છે. જે બન્નેમાં રોકાણ કરે છે.
- સંતુલિત જોખમ અને વળતર આપે છે.
4. ઇન્ડેક્સ ફંડ્સ / ETFs
- નિફ્ટી 50 અથવા સેન્સેક્સ જેવા બજાર સૂચકાંકોને ટ્રેક કરીને તેમાં રોકાણ કરે છે.
- ઓછા ખર્ચ, નિષ્ક્રિય રોકાણકારો માટે આદર્શ રોકાણનું સાધન છે.
5. ELSS (ઇક્વિટી લિંક્ડ સેવિંગ્સ સ્કીમ)
- કલમ 80C હેઠળ રૂપિયા 1.50 લાખ સુધીની ટેક્સ સેવિંગ્સ કરે છે.
- લોક-ઇન સમયગાળો: 3 વર્ષનો હોય છે.
રોકાણ કેવી રીતે કરવું(Mutual Fund Investment)
- તમે સીધુ મ્યુચ્યુઅલ ફંડમાં રોકાણ કરી શકો છો:
- SIP (સિસ્ટમેટિક ઇન્વેસ્ટમેન્ટ પ્લાન): માસિક એક નિશ્ચિત રકમનું રોકાણ કરી શકાય છે.
- એકમ રકમ: એકસાથે રોકાણ કરી શકાય છે.
- SIP નવા નિશાળીયા માટે આદર્શ છે – તે ખર્ચનું સરેરાશ કરે છે અને ધીમે ધીમે સંપત્તિનું નિર્માણ કરે છે.
Mutual Fund Investmentના ફાયદા
- વૈવિધ્યકરણ – બહુવિધ સંપત્તિઓમાં જોખમ ફેલાવે છે.
- વ્યાવસાયિક સંચાલન – નિષ્ણાત ફંડ મેનેજરો દ્વારા સંચાલિત.
- પ્રવાહિતા – ખરીદી/વેચવામાં સરળ (લોક-ઇન દરમિયાન ELSS સિવાય).
- પારદર્શિતા – નિયમિત કામગીરી અહેવાલો અને NAV અપડેટ્સ.
- કર લાભો – ખાસ કરીને ELSS ભંડોળ દ્વારા.
Top Trending News
Stock Market India: સેન્સેક્સ, નિફ્ટી નવા હાઈ બન્યા પછી નફારૂપી વેચવાલી
જોખમો
- બજારમાં વધઘટ (ખાસ કરીને ઇક્વિટી ફંડ્સમાં).
- વ્યાજ દરનું જોખમ (ડેટ ફંડ્સમાં).
- ફંડ મેનેજમેન્ટ ગુણવત્તા.
- એક્ઝિટ લોડ અથવા મેનેજમેન્ટ ફી (નાની પણ મહત્વપૂર્ણ)
2025માં લોકપ્રિય મ્યુચ્યુઅલ ફંડ
- લાર્જ કેપ ઇક્વિટી ફંડ્સ
- ફ્લેક્સી કેપ ફંડ્સ
- બેલેન્સ્ડ એડવાન્ટેજ ફંડ્સ
- શોર્ટ ડ્યુરેશન ડેટ ફંડ્સ
- ઇન્ડેક્સ ફંડ્સ / ETFs