ફ્લેગશિપ MBA (આંતરરાષ્ટ્રીય વ્યાપાર) ઓફર કરશે
અમદાવાદ- ભારત સરકારના શિક્ષણ મંત્રાલયે ગુજરાતના ગાંધીનગર સ્થિત ગિફ્ટ સિટીમાં ( GIFT CITY ) ઇન્ડિયન ઇન્સ્ટિટ્યૂટ ઓફ ફોરેન ટ્રેડ ( Indian Institute of Foreign Trade – IIFT ) નવી દિલ્હી ( New Delhi ) ના કેમ્પસ બહારના કેન્દ્રની સ્થાપનાને મંજૂરી આપી છે. આ કેન્દ્રની સ્થાપના UGC ( ઇન્સ્ટિટ્યુશન્સ ડીમ્ડ ટુ બી યુનિવર્સિટીઝ ) રેગ્યુલેશન્સ, 2023 મુજબ કરવામાં આવશે.
જાન્યુઆરી 2025માં જારી કરાયેલા લેટર ઓફ ઇન્ટેન્ટ (LoI)માં નિર્ધારિત શરતોનું IIFT દ્વારા સફળતાપૂર્વક પાલન કર્યા પછી, UGC એક્ટ, 1956ની કલમ 3 હેઠળ આ મંજૂરી આપવામાં આવી છે. આમાં 1,000 થી વધુ વિદ્યાર્થીઓ સાથે બહુ-શાખાકીય સંસ્થાની સ્થાપના માટે વિકાસ રોડમેપ રજૂ કરવા, લાયક ફેકલ્ટીની ઉપલબ્ધતા, વિગતવાર શૈક્ષણિક કાર્યક્રમો, કાયમી કેમ્પસ માટે આયોજન અને અત્યાધુનિક પુસ્તકાલયનું નિર્માણ સામેલ છે.
IIFT ને મંજૂરી બદલ અભિનંદન આપતા, કેન્દ્રીય વાણિજ્ય અને ઉદ્યોગપ્રધાન પીયૂષ ગોયલે કહ્યું: “ભારતના વૈશ્વિક નાણાકીય કેન્દ્ર GIFTcity માં તેનું નવું ઑફ-કેમ્પસ સેન્ટર ખોલવાની મંજૂરી મળવા બદલ IIFT_Official ને હાર્દિક અભિનંદન. આ સંસ્થાના મુખ્ય કાર્યક્રમ MBA (આંતરરાષ્ટ્રીય વ્યાપાર) તેમજ ટૂંકા ગાળાના તાલીમ કાર્યક્રમો અને આંતરરાષ્ટ્રીય વ્યાપાર ક્ષેત્રમાં સંશોધનમાં પ્રતિભાઓને તાલીમ આપવાનો માર્ગ મોકળો કરશે.” ( Union Minister of Commerce and Industry Piyush Goyal )
આગામી GIFT સિટી સંકુલ GIFT ટાવર 2ના 16માં અને 17માં માળે સ્થિત હશે. તે IIFTના મુખ્ય MBA (આંતરરાષ્ટ્રીય વ્યાપાર) કાર્યક્રમ તેમજ આંતરરાષ્ટ્રીય વ્યાપાર અને સંબંધિત ક્ષેત્રોમાં વિશિષ્ટ ટૂંકા ગાળાના તાલીમ અભ્યાસક્રમો અને સંશોધન પ્રદાન કરશે.
આ પહેલ રાષ્ટ્રીય શિક્ષણ નીતિ (NEP) 2020ના ધ્યેયો સાથે સુસંગત છે, જેનો ઉદ્દેશ બહુ-શાખાકીય શિક્ષણને પ્રોત્સાહન આપવા અને ઉચ્ચ-ગુણવત્તાવાળા શિક્ષણની પહોંચને વિસ્તૃત કરવાનો છે.
વાણિજ્ય અને ઉદ્યોગ મંત્રાલય હેઠળ 1936માં સ્થાપિત IIFT આંતરરાષ્ટ્રીય વ્યવસાયમાં ક્ષમતા નિર્માણ માટે સમર્પિત એક અગ્રણી સંસ્થા છે. તેને 2002માં ડીમ્ડ ટુ બી યુનિવર્સિટી જાહેર કરવામાં આવી હતી. તે NAAC તરફથી A+ ગ્રેડ ધરાવે છે અને AACSB દ્વારા માન્યતા પ્રાપ્ત છે, જે તેને વૈશ્વિક સ્તરે માન્યતા પ્રાપ્ત બિઝનેસ સ્કૂલોના પસંદગીના જૂથનો ભાગ બનાવે છે.
ગિફ્ટ સિટી કેમ્પસ ભારતના બિઝનેસ એજ્યુકેશન ઇકોસિસ્ટમમાં નોંધપાત્ર યોગદાન આપશે અને વૈશ્વિક નિકાસ સુપરપાવર બનવાની રાષ્ટ્રની આકાંક્ષાને ટેકો આપશે તેવી અપેક્ષા છે.
