ગાંધીનગર- ગુજરાત રાજ્યના મુખ્યપ્રધાન ભૂપેન્દ્ર પટેલે (CM Bhupendra Patel) ગાંધીનગર મ્યુનિસિપલ કોર્પોરેશનના રૂ. 25 કરોડના મ્યુનિસિપલ બોન્ડનું નેશનલ સ્ટોક એક્સચેન્જ (NSE Bond Listing) માં ગિફ્ટ સિટી ખાતેથી (Gift City in Gandhinagar) લિસ્ટિંગ કરાવ્યું હતું. (Gandhinagar Municipal Bonds listed on NSE)
મુખ્યપ્રધાને બેલ રિંગિંગ સેરેમનીથી આ NSE (National Stock Exchange) લિસ્ટિંગ ગાંધીનગરના મેયર મીરાબહેન પટેલ, ધારાસભ્ય રીટાબહેન પટેલ તેમજ મહાનગરપાલિકાના પદાધિકારીઓ-અધિકારીઓ અને NSEના અધિકારીઓની ઉપસ્થિતિમાં સંપન્ન કર્યું હતું. વડાપ્રધાન નરેન્દ્રભાઈ મોદીની પ્રેરણા અને મુખ્યપ્રધાન ભૂપેન્દ્ર પટેલના દિશાદર્શનમાં રાજ્યના શહેરી પરિવેશમાં પરિવર્તન અને નાગરિકોના સશક્તિકરણના અભિગમ સાથે 2025નું વર્ષ શહેરી વિકાસ વર્ષ તરીકે ઉજવવામાં આવી રહ્યું છે.
આ શહેરી વિકાસ વર્ષમાં ગાંધીનગર મહાનગરપાલિકા અર્બન ઇન્ફ્રાસ્ટ્રક્ચર ફેસિલિટીઝમાં વૃદ્ધિ અને સસ્ટેઈનેબલ ડેવલપમેન્ટ દ્વારા ‘અર્નિગવેલ, લિવિંગવેલ’નો ધ્યેય આ મ્યુનિસિપલ બોન્ડના માધ્યમથી સાકાર કરશે. ગાંધીનગર મહાનગર પાલિકા મ્યુનિસિપલ બોન્ડ ઈશ્યુ લાવનારી રાજ્યની પાંચમી મહાનગરપાલિકા બની છે. આ અગાઉ અમદાવાદ, સુરત, વડોદરા, રાજકોટ મહાનગરપાલિકાએ મ્યુનિસિપલ બોન્ડ બહાર પાડ્યા છે.
વડાપ્રધાને 2016માં દેશની અર્બન લોકલ બોડીઝને આત્મનિર્ભરતા દ્વારા સસ્ટેઈનેબલ ડેવલપમેન્ટ માટે સેબીના સહયોગથી મ્યુનિસિપલ બોન્ડ માર્કેટ ઊભું કરવા પ્રેરણા આપી હતી. આ સંદર્ભે કોર્પોરેશનની સ્થાપનાના 15 વર્ષમાં જ મ્યુનિસિપલ બોન્ડ ઈશ્યુ લાવનારી પ્રથમ મહાનગરપાલિકા ગાંધીનગર મહાનગરપાલિકા બની છે.
દેશમાં અત્યાર સુધીમાં 17 મહાનગરપાલિકાઓ દ્વારા રૂ.3359 કરોડના બોન્ડ ઈશ્યુ કરવામાં આવ્યા છે. તેમાંથી રૂ.925 કરોડના બોન્ડ ઈશ્યુ કરીને ગુજરાત 27 ટકાના ફાળા સાથે મહત્વની ભૂમિકા અદા કરી રહ્યું છે તેમ NSEના ચીફ બિઝનેશ ડેવલપમેન્ટ ઓફિસર શ્રીરામકૃષ્ણને આ પ્રસંગે જણાવ્યું હતું.
Top Trending Video News
શેરબજારના સેન્સેક્સમાં 700 પોઈન્ટનો ઉછાળો, હવે કઈ અનિશ્ચિતતાઓનો સામનો કરવો પડશે?
ગાંધીનગરના મેયર મીરાંબહેન પટેલે આ બોન્ડના પરિણામે ગાંધીનગરના વિકાસ કામો માટે જનભાગીદારી યુક્ત ભંડોળ ઉપલબદ્ધ થતાં વિકાસની ગતિ વધુ તેજ બનશે એવો વિશ્વાસ વ્યક્ત કર્યો હતો. (Pace of development of Gandhinagar will accelerate) મ્યુનિસિપલ બોન્ડ મેળવનાર ગાંધીનગર મહાનગરપાલિકા દેશની પ્રથમ 20 મહાનગરપાલિકા પૈકી એક હોવાથી, ભારત સરકાર દ્વારા પ્રોત્સાહન તરીકે ગાંધીનગર મહાનગરપાલિકાને આશરે રૂ. 3.25 કરોડની વ્યાજ સબસિડી મળશે, તેમ પણ તેમણે જણાવ્યું હતું.
આ બોન્ડ લિસ્ટિંગ અવસરે ડેપ્યુટી મેયર નટવરજી ઠાકોર, સ્ટેન્ડિગ કમિટિ ચેરમેન ગૌરાંગ વ્યાસ, શહેર પ્રમુખ આશિષભાઈ દવે, મ્યુનિસિપલ કમિશનર જે.એન.વાઘેલા, NSEના અધિકારીઓ સહિત મહાનગરપાલિકાના પદાધિકારીઓ, અધિકારીઓ ઉપસ્થિત રહ્યા હતા.
