નવી દિલ્હી– અમેરિકાના પ્રેસિડેન્ટ ડોનાલ્ડ ટ્રમ્પે એપલના સીઈઓ ટિમ કૂકને આઈફોન iPhone પર 25 ટકા ટેરિફ (Tariff) લાદવાની ધમકી આપી છે. (Donald Trump threatens Apple’s CEO Tim Cook with 25% tariff)
યુએસ રાષ્ટ્રપતિ ડોનાલ્ડ ટ્રમ્પે (US President Donald Trump) આજે 23 મે, 2025ના રોજ ફરી એકવાર ભારતમાં એપલ આઇફોન (Apple iPhones made in India) બનાવવા બદલ એપલ પર નિશાન સાધ્યું છે. ટ્રમ્પે કહ્યું કે જો દેશમાં વેચાતાં ફોન અમેરિકાની સરહદોમાં બનાવવામાં નહીં આવે તો એપલને 25 ટકા ટેરિફ ચુકવવો પડશે. (Apple will have to pay 25% tariff)
આ સમાચાર આવતાની સાથે જ પ્રીમાર્કેટ ટ્રેડિંગમાં આઇફોન કંપનીના શેરના ભાવમાં અંદાજે 3 ટકા ઘટાડો આવ્યો હતો.
ટ્રમ્પે પોતાના ટ્રુથ સોશિયલ પર પોસ્ટ કરીને કહ્યું, મેં ઘણા સમય પહેલા એપલના ટિમ કૂકને જાણ કરી હતી કે યુનાઇટેડ સ્ટેટ્સમાં વેચાતા આઇફોનનું ઉત્પાદન અને નિર્માણ અમેરિકામાં જ થવું જોઈએ, ભારતમાં કે બીજે ક્યાંય નહીં.
ગયા મહિને રોઇટર્સે અહેવાલ આપ્યો હતો કે ટ્રમ્પ દ્વારા ચીન પર લાદવામાં આવેલા ટેરિફને કારણે સપ્લાય-ચેઇનની ચિંતાઓ વચ્ચે આઇફોનના ભાવ વધવાની આશંકા વચ્ચે એપલ ભારતને વૈકલ્પિક ઉત્પાદન આધાર તરીકે રજૂ કરી રહ્યું છે.
Top Video News
શેરબજારના સેન્સેક્સમાં 769 પોઈન્ટનો ઉછાળો, આગામી સપ્તાહે શું ખરીદશો?
ચીનની બહાર તેના ઉત્પાદનનો બેઝ બનાવીને વૈવિધ્યીકરણ કરવાના એપલના ચાલુ પ્રયાસો વચ્ચે આ ચેતવણી આપવામાં આવી છે. રોઇટર્સના જણાવ્યા અનુસાર ભારત તે વ્યૂહરચનામાં મુખ્ય ખેલાડી તરીકે ઉભરી આવ્યું છે. એપલ હાલમાં દેશમાં તેના લગભગ 15 ટકા આઇફોનનું ઉત્પાદન કરે છે અને આગામી વર્ષોમાં તેને 25 ટકા સુધી વધારવાનું લક્ષ્ય રાખે છે.
એપલના કોન્ટ્રાક્ટ ઉત્પાદક ફોક્સકોને તાજેતરમાં તમિલનાડુમાં ડિસ્પ્લે મોડ્યુલ પ્લાન્ટ બનાવવા માટે તેની ભારતીય પેટાકંપની યુઝાન ટેક્નોલોજીસ (ઇન્ડિયા) પ્રાઇવેટ લિમિટેડમાં 1.49 બિલિયન ડૉલરના રોકાણને સમર્થન આપ્યું હતું. ગયા ઓક્ટોબરમાં તમિલનાડુ સરકાર દ્વારા મંજૂર કરાયેલ આ પ્રોજેક્ટ ચેન્નાઈથી લગભગ 80 કિમી દૂર કાંચીપુરમમાં બની રહ્યો છે.
