અમદાવાદ- દરેક વ્યક્તિ નિવૃત્તિ પછી સુરક્ષિત અને આત્મનિર્ભર જિંદગી જીવવા માંગે છે અને ખુદ્દારી સાથે જીવન વ્યતિત કરવાની ઈચ્છા હોય છે. એવા દરેક વ્યક્તિ માટે આ ન્યૂઝ વાંચવા જેવા છે. જૂઓ પ્લાનિંગ તમારે કરવાનું છે અને પછી જૂઓ જિંદગી જીવવાની કેવી મઝા આવે છે.
નિવૃત્તિ પછી જિંદગી પર તમને અમુક રકમનું પેન્શન (Get a Large Amount of Pension Every Month) મળતું રહે તેવું પ્લાનિંગ અત્યારથી કરવું જોઈએ. જેના માટે પબ્લિક પ્રોવીડંડ ફંડ(પીપીએફ) (Public Provident Fund PPF) એક ખૂબ જ સારો વિકલ્પ છે. તે ટેક્સ બચાવવા માટેનો રસ્તો તો છે જ પણ લાંબા ગાળા માટે (Long Term Investment) એક મોટી રકમનું નિવૃત્તિ ફંડ ઉભું કરી શકાય છે. જો તમે યોગ્ય રીતે રોકાણ કરો તો આ યોજનામાં તમને દર મહિને રૂપિયા 60,000 સુધીનું પેન્શન (Pension After Retirement) મળે તેવી આવક આપી શકે છે. આવો જાણીએ આ યોજના અંગે.
પબ્લિક પ્રોવીંડડ ફંડ (Public Provident Fund) સરકાર દ્વારા સમર્થિત એક લાંબા ગાળાની રોકાણ યોજના છે. (Long Term Investment) આ યોજના શેરબજારના ઉતારચઢાવથી દૂર રહીને તમને સુરક્ષિત (Safe Investment Plan) અને ચોક્કસ વળતર આપે છે. આ યોજનામાં વાર્ષિક 1.50 લાખ રૂપિયાનું રોકાણ કરી શકાય છે. પીપીએફમાં વર્ષમાં 12 એન્ટ્રીથી અમુક ચોક્કસ રકમ જમા કરી શકાય છે. એટલે કે વાર્ષિક 1.50 લાખની મર્યાદા છે. જે આવકવેરામાં બાદ મળે છે. આ યોજનામા તમે માસિક અમુક ચોક્કસ રકમની એસઆઈપી પણ કરી શકો છો. એટલે કે તમે બેંકના સેવિંગ્સ ખાતામાં ઈસીએસ પણ કરી શકો છો. તમે સૂચના આપી હોય તેટલી રકમ દર મહિને તમારા બચત ખાતામાંથી રકમ ડેબિટ થઈ જાય અન પીપીએફમાં જમા થઈ જાય.
પીપીએફમાં હાલ 7.1 ટકા વાર્ષિક વ્યાજ મળે છે. જે દર વર્ષે કમ્પાઉન્ડિંગ તરીકે વધતું રહે છે. એટલે કે મુદ્દલ પર વ્યાજ જમા થયું, અને આગામી વર્ષે જ્યારે વ્યાજ ગણાય ત્યારે તે કુલ રકમ(મુદ્દલ અને વ્યાજ) પર જ નવું વ્યાજ ગણાય છે.
Top News
ટ્રમ્પની ધમકીઃ ભારતમાં બનેલા iPhone જો અમેરિકામાં વેચાશે તો 25 ટકા ટેરિફ
જ્યાં સુધી 25 વર્ષ પુરા ન થાય ત્યાં સુધી પીપીએફના પૈસા ઉપાડવા ન જોઈએ. જો ખાતામાં પૈસા પડ્યા હશે તો તેના પર દર વર્ષે વ્યાજ મળતું રહેશે. વ્યાજનું વ્યાજ ગણાતું હોવાથી 25 વર્ષમાં આ રકમ જંગી ફંડ ભેગુ કરી શકે છે.
આમ જોવા જઈએ તો પીપીએફ 15 વર્ષનું હોય છે, અને તમે ઈચ્છો તો બીજા બે વખત પાંચ વર્ષ માટે તેને લંબાવી શકો છો. એટલે કે કુલ 25 વર્ષ સુધી તેને એક્સટેન્શનની મંજૂરી આપી શકો છો.
ધારોકે તમે સતત 25 વર્ષ સુધી પીપીએફમાં દર મહિને 12,500ની રકમની બચત કરો છો એટલે કે વાર્ષિક 1.50 લાખ થયા. તમે 25 વર્ષ સુધી આ રીતે ફરજિયાત બચત કરો છો તો તમારા ખાતામાં કુલ રકમ રૂપિયા 37,50,000ની મુદ્લ જમા થઈ હશે. 7.1 ટકા વ્યાજ ગણીએ તો અંદાજે રૂપિયા 65,58,000 વ્યાજ જમા થયું હશે. કુલ રકમ મળીને તમારા પીપીએફ ખાતામાં કુલ રૂપિયા 1 કરોડ ત્રણ લાખ આઠ હજારનું જંગી ફંડ જમા થયું હશે.
જો તમે 1.03 કરોડ રૂપિયા વ્યાજે મુકી દેશો તો તમને દર વર્ષે 7,31,869 વ્યાજ મળશે, તો તમે તેને 12 મહિના વડે ભાગાકાર કરો તો દર મહિને રૂપિયા 60,000નું વ્યાજ મળી શકે છે. અને તે પણ નિયમિત પેન્શનની જેમ જ. સારી વાત એ છે કે તમારી કુલ મુડી 1.03 કરોડ રૂપિયા એમની એમ જમા રહે છે. તમે તેના વ્યાજમાંથી જ તમારા ખર્ચનું આયોજન કરી શકશો.
પણ જો તમે યોગ્ય પ્લાનિંગ સાથે પીપીએફમાં નિયમિત રોકાણ કરો તો જ આટલું જંગી ફંડ ભેગું કરી શકાય છે. ટેક્સ તો બચે છે, પણ સાથે વ્યાજનું વ્યાજ મળે છે. પીપીએફ એકાઉન્ટ પોસ્ટ ઓફિસ, સ્ટેટ બેંક ઓફ ઈન્ડિયા અને તે સિવાય અન્ય બેંકોમાં પણ ખોલાવી શકાય છે.
