મુંબઈ- New IPO Calendar શેરબજારમાં(Stock Market India) આઈપીઓમાં રોકાણ કરતાં રોકાણકારો માટે આગામી સપ્તાહ ધમાકેદાર રહેશે. આગામી સપ્તાહે મીશો(Meesho IPO) સહિત કુલ 14 આઈપીઓ અને કેટલાક એસએમઈ આઈપીઓ(SME IPO) મળીને કુલ 7000 કરોડ રૂપિયાથી વધુ એકત્ર કરાશે. આ રકમનો મોટો હિસ્સો મીશોના આઈપીઓમાંથી આવશે. મીશોએ આ સપ્તાહનો સૌથી મોટો આઈપીઓ છે. એસએમઈ સેગ્મેન્ટમાં કુલ 11 આઈપીઓ(NEW IPO) ખૂલશે.
મેન બોર્ડના આઈપીઓ
આગામી સપ્તાહે શેરબજારના(Share Market India) મેન બોર્ડમાં મીશો(Meesho IPO) સહિત કુલ ત્રણ આઈપીઓ(IPO) ખૂલી રહ્યા છે. મીશો સિવાય બાકીના બે આઈપીઓ Aequs અને Vidya Wires છે. આ આઈપીઓ(New IPO Calendar) અંગે જાણકારી મેળવીએ.
(1) મીશો Meesho IPO
મીશોનો 5,421 કરોડ રૂપિયાનો આઈપીઓ 3 ડીસેમ્બરે ખૂલશે અને 5 ડીસેમ્બરના રોજ બંધ થશે. ઈ-કોમર્સ કંપની તેના શેર 105-111 રૂપિયાની પ્રાઈઝબેન્ડથી આઈપીઓ લઈને મૂડીબજારમાં પ્રવેશી રહી છે. કંપનીના વધતાં જતાં ગ્રાહકો અને સુધરતાં જતા કામકાજને કારણે મીશોના આઈપીઓમાં રોકાણકારોએ વધુ રસ દાખવ્યો છે. આ આઈપીઓમાં કંપની નવા શેર ઈસ્યૂ કરી રહી છે અને સાથે જૂના રોકાણકારો અને સંસ્થાપકો દ્વારા કેટલાક શેર વેચાશે. તેના નવા શેરનું લિસ્ટિંગ 10 ડીસેમ્બરના રોજ થશે.
(2) Aequs IPO
Aequs કંપની એરોસ્પેસ અને પ્રિસિઝન મેન્યુફેકચરિંગના ક્ષેત્રમાં કામ કરે છે. કંપની 118-124 રૂપિયાની પ્રાઈઝ બેન્ડ સાથે 921.81 કરોડ રૂપિયા એકત્ર કરવાની યોજના બનાવી છે. આ આઈપીઓ 3 ડીસેમ્બરના રોજ ખૂલશે અને 5 ડીસેમ્બરે બંધ થશે. તેનું લિસ્ટિંગ 10 ડીસેમ્બરના રોજ થશે. તેની લોટ સાઈઝ 120 શેરની છે. આથી રોકાણકારો ઓછામાં ઓછા 14,880 રૂપિયાનું રોકાણ કરી શકશે.
(3) વિદ્યા વાયર્સ Vidya Wires IPO
વિદ્યા વાયર્સના આઈપીઓની ઈસ્યૂ સાઈઝ 300 કરોડ રૂપિયાની છે. આ આઈપીઓ 3 ડીસેમ્બરના રોજ ખૂલીને 5 ડીસેમ્બરના રોજ બંધ થશે. તેની પ્રાઈઝ બેન્ડ 48-52 પ્રતિ શેર છે. આ નવા શેરનું લિસ્ટિંગ 10 ડીસેમ્બરના રોજ થશે. આ કંપની ત્રાંબા અને એલ્યુમિનિયમના તાર બનાવવાનું કામ કરે છે. એક લોટમાં 288 શેર છે, અને તેમાં રોકાણકારો ઓછામાં ઓછા 14,976 રૂપિયાનું રોકાણ કરી શકે છે.
એસએમઈના 11 આઈપીઓ
આગામી સપ્તાહે(New IPO Calendar) એસએમઈ સેગ્મેન્ટમાં 11 આઈપીઓ ખૂલીને રહ્યા છે. જેમાં Ravelcare (24.10 કરોડ રૂપિયા), Invicta Diagnostic (28.12 કરોડ રૂપિયા), Clear Secured Services (85.60 કરોડ રૂપિયા), Speb Adhesives (33.73 કરોડ રૂપિયા), Astron Multigrain (18.40 કરોડ રૂપિયા), Neochem Bio Solutions (44.97 કરોડ રૂપિયા), Helloji Holidays (10.96 કરોડ રૂપિયા), Shri Kanha Stainless (46.28 કરોડ રૂપિયા), Luxury Time (18.74 કરોડ રૂપિયા), Western Overseas Study Abroad (10.07 કરોડ રૂપિયા) અને Methodhub Software (87.50 કરોડ રૂપિયા)નો સમાવેશ થાય છે.
Most Watched Video News
Gold Silver Market: સોના ચાંદીના ભાવમાં નોંધપાત્ર ઉછાળો, હવે નફારૂપી વેચવાલી આવશે?
નવા આઈપીઓનું લિસ્ટિંગ
આગામી સપ્તાહે શેરબજારમાં અનેક નવી કંપનીઓનું લિસ્ટિંગ થનાર છે. ખાસ કરીને નાના અને મધ્યમ ઉદ્યોગો(SME) ક્ષેત્રની કંપનીઓના શેરનું લિસ્ટિંગ થશે. એસએસએમડી એગ્રોટેક ઈન્ડિયા 2 ડીસેમ્બરે લિસ્ટિંગ થશે. મદર ન્યૂટ્રી ફૂડ્સ અને કેકે સિલ્ક મિલ્સ 3 ડીસેમ્બરે લિસ્ટ થશે. તેમજ એક્સૈટો ટેકનોલોજી, લોજિક્યિલ સોલ્યૂશન્સ અને પર્પલ વેવ ઈન્ફોકોમ 5 ડિસેમ્બરના રોજ લિસ્ટિંગ થશે. આ તમામ કંપનીઓના શેર બીએસઈ એસએમઈ એક્સચેન્જ પર લિસ્ટ થશે.
(નોંધ- રોકાણકારોએ આઈપીઓમાં રોકાણ કરતાં પહેલા તમારા શેરદલાલ કે નિષ્ણાતની સલાહ લેવી. આ આપને માત્ર માહિતી પુરી પાડવાનો પ્રયાસ છે.)