અમદાવાદ- Gold Silver Market વીતેલા સપ્તાહે સોના ચાંદીમાં ઝડપી તેજી થઈ હતી. ઘટાડામાં નવી લેવાલી નીકળતાં સોના ચાંદીના ભાવમાં નોંધપાત્ર ઉછાળો આવ્યો હતો. સોના કરતાં ચાંદીમાં વધુ ઝડપી ઉછાળો નોંધાયો હતો. સિલ્વર 56.71 ડૉલર ઑલ ટાઈમ હાઈનો નવો ભાવ બતાવ્યો હતો. ગોલ્ડ સિલ્વરમાં તેજી આવવા પાછળ કયા કારણો? આગામી સપ્તાહે ગોલ્ડ સિલ્વરમાં તેજી આગળ વધશે? ગોલ્ડ સિલ્વરમાં ઊંચા ભાવે નફારૂપી વેચવાલી આવશે? ગોલ્ડ સિલ્વરમાં મોટી વધઘટ આવવાના એંધાણ છે? સ્વિસ બેંક યુબીએસનો રીપોર્ટ શું કહી રહ્યો છે? જૂઓ વીડિયો….
સોનામાં 4500 અને ચાંદીમાં 14,000નો ઉછાળો
અમદાવાદ સોના ચાંદી બજારમાં 24 કેરેટ સોનું દસ ગ્રામે સપ્તાહમાં રૂપિયા 4500 ઉછળી રૂપિયા 1,32,000નો ભાવ રહ્યો હતો. તેમજ ચાંદી એક કિલોએ સપ્તાહ દરમિયાન 14,000 રૂપિયા ઉછળીને 1,71,000નો ભાવ રહ્યો હતો.
એમસીએક્સમાં શુક્રવાર ટ્રેડિંગ સેશનને અંતે ગોલ્ડ 1ં26,920 રહ્યું હતું. એમસીએક્સમાં સિલ્વર રૂપિયા 1,71,850 રહ્યો હતો.
ગોલ્ડ ફયુચરમાં જોરદાર લેવાલી
આંતરરાષ્ટ્રીય બજારમાં ગોલ્ડ ફેબ્રુઆરી ફ્યુચર સપ્તાહની શરૂઆતે ઘટી 4072 ડૉલર થઈ અને ત્યાં નવી લેવાલી નીકળતાં ઝડપથી ઉછળી 4275 ડૉલર થઈ અને સપ્તાહને અંતે 4269 ડૉલર બંધ રહ્યો હતો. જે વીક ટુ વીક જોઈએ તો 153 ડૉલરનો ઉછાળો દર્શાવે છે.
સ્પોટ ગોલ્ડમાં 165 ડૉલરનો મોટો ઉછાળો
સ્પોટ માર્કેટમાં ગોલ્ડ સપ્તાહની શરૂઆતે ઘટી 404 ડૉલર થઈ અને ત્યાં જોરદાર લેવાલી નીકળતાં શુક્રવારે જ ઉછળી 4231 ડૉલર થઈ અને સપ્તાહને અંતે 4230 ડૉલર બંધ હતો. જે સપ્તાહ દરમિયાન 165 ડૉલરનો મોટો ઉછાળો દર્શાવે છે.
સિલ્વર 56.77 ડૉલર ઑલ ટાઈમ હાઈ
સિલ્વર ડીસેમ્બર ફ્યુચર સપ્તાહની શરૂઆતે ઘટી 49.37 ડૉલર થઈ અને ત્યાં ભારે લેવાલી નીકળતાં ઝડપથી ઉછળીને 56.77 ઑલ ટાઈમ હાઈનું નવું લેવલ બતાવીને સપ્તાહને અંતે 57.71 ડૉલર બંધ રહ્યો હતો. સપ્તાહ દરમિયાન 6.80 ડૉલરનો ઉછાળો દર્શાવે છે.
સ્પોટ સિલ્વરમાં 6.37 ડૉલરનો ઉછાળો
સ્પોટ બજારમાં સિલ્વર સપ્તાહની શરૂઆતે ઘટીને 49.71 ડૉલર થઈ અને ત્યાંથી ઝડપી ઉછળી 56.55 ડૉલર થઈ અને સપ્તાહને અંતે 56.40 ડૉલર બંધ થયો હતો. જે સપ્તાહ દરમિયાન 6.37 ડૉલરનો ઉછાળો દર્શાવે છે.
ગોલ્ડમાં બે સપ્તાહની ઊંચાઈ
વીતેલા સપ્તાહે ગોલ્ડના ભાવ બે સપ્તાહની ઊંચાઈએ પહોંચી ગયો હતો. જ્યારે સિલ્વરનો ભાવે નવો હાઈ બતાવ્યો હતો. જો કે ગોલ્ડ કરતાં સિલ્વરમાં વધુ મોટી તેજી થઈ હતી. સિલ્વરમાં ઈન્વેસ્ટમેન્ટ ડીમાન્ડ રહી હતી. તેની સાથે ઔદ્યોગિક ડિમાન્ડ પણ રહી હતી. તેમજ 2026ના વર્ષમાં સિલ્વરના પુરવઠામાં ખેંચ રહેશે, તેવા સમાચાર પાછળ ચાંદીમાં ભારે લેવાલીથી ભાવમાં નોંધપાત્ર ઉછાળો નોંધાયો હતો.
સોના ચાંદીમાં તેજીના કારણો
(1) અમેરિકાની ફેડરલ રીઝર્વ ડીસેમ્બરમાં મળનારી એફઓએમસીની બેઠકમાં ફેડ રેટ કટ કરશે, તેવા આશાવાદ પાછળ ગોલ્ડ સિલ્વરમાં નવી લેવાલીથી તેજી થઈ હતી.
(2) પ્રાઈવેટ સેકટરનો રોજગારીનો દર સ્લો રહ્યો છે. સરકારી આંકડા મર્યાદિત આવ્યા છે. આર્થિક ગતિવિધિ નિસ્તેજ રહી છે. લેબર માર્કેટનો ડેટા વીક છે. આથી ફેડ રેટ કટની ધારણા મજબૂત બની છે.
(3) સ્વિસ બેંક યુબીએસનો રીપોર્ટ આવ્યો છે, જેમાં આગામી મહિનાઓમાં ગોલ્ડની ડીમાન્ડ વધશે. તેની પાછળના કારણો- વ્યાજ દરમાં ઘટાડો, બોન્ડ યીલ્ડમાં ધટાડો, ફિસ્કલ ચેલેન્જિસ અને યુએસ પોલિટિકલ સ્થિતિ. 2026ના મધ્યભાગમાં યુબીએસે ગોલ્ડનો ભાવ 4500 ડૉલરનો ટાર્ગેટ આપ્યો છે, પણ તે અપગ્રેડ કરીને 4,900 કર્યો છે. સેન્ટ્રલ બેંકનું બાઈંગ અને ઈટીએફમાં બાઈંગ રહેશે.
Top Trending News
Trade Deal: પિયુષ ગોયલે આપ્યું સૌથી મોટુ અપડેટ, 50 દેશો સાથે FTA પર ચર્ચા કરી રહ્યું છે ભારત
આગામી સપ્તાહે Gold Silver Market
આગામી સપ્તાહે ગોલ્ડ સિલ્વરમાં તેજીની આગેકૂચ રહેશે. જો કે ભાવ ખૂબ ઝડપથી વધ્યા છે એટલે નફારૂપી વેચવાલી પણ આવવાની શક્યતાને નકારી શકાય નહી. પણ ટેકનિકલી ગોલ્ડ સિલ્વર માર્કેટ બુલિશ છે. ગોલ્ડમાં 4000 ડૉલરનું સપોર્ટ લેવલ હતું, જે હવે અપગ્રેડ કરીને 4150 ડૉલરનું સપોર્ટ લેવલ બન્યું છે. ગોલ્ડમાં 4250 ડૉલરનું પ્રથમ રેઝિસ્ટન્સ લેવલ અને 4285 ડૉલર બીજુ રેઝિસ્ટન્સ લેવલ રહેશે. સિલ્વરમાં પહેલા 48 ડૉલરનું સ્ટ્રોંગ સપોર્ટ લેવલ હતું, તે હવે અપગ્રેડ કરીને 50 ડૉલરનું થયું છે. સિલ્વરમાં 50 ડૉલરની મંદી નહી અને ઉપરમાં 58 ડૉલર રેઝિસ્ટન્સ લેવલ રહેશે.