નવી દિલ્હી- India Q2 GDP Growth નાણાકીય વર્ષ 2025-26ના બીજા ત્રિમાસિકગાળામાં ભારતનું અર્થતંત્ર તમામ અનુમાનોને પાછળ છોડીને ઝડપથી આગળ વધી રહ્યું છે. સત્તાવાર આંકડા અનુસાર નાણાકીય વર્ષ 2025-26ના બીજા ત્રિમાસિકગાળામાં વાસ્તવિક જીડીપી 8.2 ટકા રહ્યો છે, જે પાછલા વર્ષના સમાન સમયગાળાના 5.6 ટકા કરતાં ખૂબ વધારે છે.
સર્વિસ સેકટરનો સૌથી વધુ ગ્રોથ
ધી નેશનલ સ્ટેટિસ્ટીક ઓફિસ(NSO) દ્વારા જાહેર કરાયેલ આંકડા(India Q2 GDP Growth) અનુસાર મેન્યુફેકચરિંગ, ઈન્ફ્રાસ્ટ્રક્ચર અને મજબૂત સર્વિસ સેક્ટરના ગ્રોથે નેતૃત્વ કર્યું છે. જુલાઈથી સપ્ટેમ્બર ત્રિમાસિકગાળામાં સ્થિર મૂલ્યો પર જીડીપી 48.63 લાખ કરોડ રૂપિયા રહી છે. જે એક વર્ષ પહેલા 44.94 લાખ કરોડ રૂપિયા હતી. નોમિનલ જીડીપી 8.7 ટકાથી વધીને 85.25 લાખ કરોડ થઈ ગઈ છે.
અન્ય સેકટરમાં ગ્રોથ
મેન્યુફેક્ચરિંગ સેકટરમાં 9.1 ટકા, કન્સ્ટ્રક્શનમાં 7.2 ટકા અને વ્યાપક સેકન્ડરી સેકટરમાં 8.1 ટકાનો ગ્રોથ નોંધાયો છે. ભારતીય અર્થતંત્રના સર્વિસ સેક્ટરે સૌથી પ્રોત્સાહક પ્રદર્શન કર્યું છે. તેમજ તૃતીયક સેકટરમાં 9.2 ટકાનો ગ્રોથ નોંધાયો છે. જે ખાસ કરીને ફાઈનાન્સ, રિયલ એસ્ટેટ અને અન્ય બિઝનેસ સર્વિસીઝમાં 10.2 ટકાની મજબૂત વૃદ્ધિ રહી છે.
કન્ઝમ્પ્શનમાં નોંધપાત્ર વધારો
સરકાર દ્વારા જાહેર કરાયેલ આંકડા મુજબ(India Q2 GDP Growth) પ્રાઈવેટ કન્ઝમ્પ્શનમાં પણ સારી વૃદ્ધિ જોવા મળી છે. રિયલ પ્રાઈવેટ ફાઈનલ કન્ઝમ્પ્શન એક્સપેડિન્ચર બીજા ત્રિમાસિકગાળામાં 7.9 ટકાના દરથી વધારો થયો છે. જ્યારે તેમાં પાછલા વર્ષના સમાનગાળામાં ગ્રોથનો આંકડો 6.4 ટકા હતો. તે અસમાન ચોમાસું છતાં સ્થિર ડિમાન્ડને પ્રદર્શિત કરે છે.
એગ્રીકલ્ચર સેકટર રહ્યું પાછળ
જો કે એગ્રીકલ્ચર સેકટર પાછળ રહ્યું છે. કૃષિ સેકટરમાં ફક્ત 3.5 ટકાની વૃદ્ધિ નોંધાઈ છે. જ્યારે વીજળી, ગેસ અને વોટર સપ્લાય જેવી ઉપયોગીતાઓમાં 4.4 ટકાની વૃદ્ધિ નોંધાઈ છે. જે આ સેકટરમાં ખૂબ નબળી સ્થિતિ દર્શાવે છે.
અનુમાનો પાછળ છોડ્યા
કુલ મળીને નાણાકીય વર્ષ 2025-26ના પ્રથમ છ મહિનામાં 8 ટકાનો જીડીપી વૃદ્ધિ દર(India Q2 GDP Growth) રહ્યો છે. જે પાછલા નાણાકીય વર્ષના પ્રથમ છ મહિનાના 6.1 ટકાથી વધારે છે. બીજા ત્રિમાસિકગાળા દરમિયાન વાસ્તવિક જીવીએ વૃદ્ધિ 8.1 ટકા રહ્યો છે. જેમાં અગ્રણી ઉદ્યોગોમાં વ્યાપક ગ્રોખને સમર્થન મળે છે. ભારતનો જીડીપી ગ્રોથ અનુમાન કરતાં વધુ પ્રોત્સાહક આંકડા દુનિયામાં સૌથી ઝડપથી આગળ વધતી અગ્રણી અર્થતંત્રના રૂપમાં ભારતની સ્થિતિ વધુ મજબૂત કરે છે.
Most Watched Video News
Stock Market India: બે તરફી વધઘટે નરમાઈ, આગામી સપ્તાહે મીડકેપ અને સ્મોલકેપમાં તેજી થશે?
બન્ને ત્રિમાસિકગાળામાં સર્વિસ સેકટરનું યોગદાન
નોંધનીય છે કે નાણાકીય વર્ષ 2025-26ના પ્રથમ ત્રિમાસિકગાળામાં જીડીપી ગ્રોથ રેટ શાનદાર રીતે 7.8 ટકા રહ્યો હતો. જે અનુમાન કરતાં વધારે હતો. તે સમયે નિષ્ણાતોએ અનુમાન લગાવ્યું હતું કે વધુમાં વધુ 6.7 ટકાનો ગ્રોથ રહી શકે છે. ભારતના જીડીપી ગ્રોથમાં શાનદાર ગ્રોથમાં પહેલા અને બીજા ત્રિમાસિક ગાળામાં સર્વિસ સેકટરનું યોગદાન ખૂબ મોટુ રહ્યું છે. પ્રથમ ત્રિમાસિકગાળામાં સર્વિસ સેકટરનો 9.3 ટકાનો તગડો ગ્રોથ નોંધાયો હતો. જે બતાવે છે કે ભારતીય અર્થતંત્રની ખરેખર ઝડપ અહીંયાથી આવી રહી છે.