અમદાવાદ- Stock Market India શેરબજારમાં સપ્તાહના અંતિમ દિવસે બે તરફી વધઘટે નરમાઈ રહી હતી. બીએસઈ સેન્સેક્સ(BSE Sensex) 13 પોઈન્ટ ઘટી 85,706 બંધ થયો હતો. એનએસઈ નિફ્ટી(NSE Nifty) 12 પોઈન્ટ ઘટી 26,202 બંધ રહ્યો હતો. બેંક નિફ્ટી(Bank Nifty) 15 પોઈન્ટ ઘટી 59,752 બંધ હતો. આગામી સપ્તાહે શેરબજારની ચાલ કેવી રહેશે? શેરબજારમાં(Share Market India) કયા તેજીના કારણો છે?ટેકનિકલી શેરબજાર હજુ મજબૂત છે? આગામી સપ્તાહે મીડકેપ અને સ્મોલકેપમાં તેજી થશે? જૂઓ વીડિયો…..
સેન્સેક્સ 13 પોઈન્ટ ઘટ્યો
મુંબઈ શેરબજારનો સેન્સેક્સ 85,791ના મજબૂત મથાળે ખૂલીને શરૂમાં વધીને 85,969 થઈ અને ત્યાંથી ઘટી 85,577 થઈ અને ટ્રેડિંગ સેશનને અંતે 85,706.67 બંધ થયો હતો, જે ગઈકાલના બંધની સરખામણીએ 13.71નો ઘટાડો દર્શાવે છે.
નિફ્ટી 12 પોઈન્ટ ઘટ્યો
નેશનલ સ્ટોક એક્સચેન્જનો નિફ્ટી ઈન્ડેક્સ 26,237ના ઊંચા મથાળે ખૂલીને શરૂમાં વધીને 25,280 થઈ અને ત્યાંથી ઘટી 26,172 થઈ અને ટ્રેડિંગ સેશનને અંતે 26,202.95 બંધ થયો હતો. જે ગઈકાલના બંધની સામે 12.60ની નરમાઈ દર્શાવે છે.
ઊંચા મથાળે નફારૂપી વેચવાલી
આજે શુક્રવારે સવારે શેરોના ભાવ મજબૂત ખૂલ્યા હતા. શરૂમાં નવી લેવાલી ચાલુ રહી હતી, પણ ઊંચા મથાળે તેજીવાળા ખેલાડીઓની નફારૂપી વેચવાલી પણ આવી હતી. જેથી શેરોના ભાવ ઊંચા મથાળેથી પાછા પડ્યા હતા. મીડકેપ અને સ્મોલકેપ શેરોમાં પણ લેવાલી વેચવાલી એમ બે તરફી કામકાજ રહ્યા હતા. મીડકેપ ઈન્ડેક્સ 69 પોઈન્ટ અને સ્મોલકેપ ઈન્ડેક્સ 63 પોઈન્ટ ઘટ્યા હતા.
એફઆઈઆઈની વેચવાલી
એફઆઈઆઈએ 27 નવેમ્બરના રોજ રૂપિયા 1255 કરોડની ચોખ્ખી વેચવાલી કરી હતી, આખા નવેમ્બર મહિનામાં કુલ રૂપિયા 13,704 કરોડનું નેટ સેલ કર્યું હતું. વીતેલા સપ્તાહે ચાર દિવસમાં બે દિવસ એફઆઈઆઈ નેટ બાયર હતી અને બે દિવસે નેટ સેલર હતી.
ડીઆઈઆઈનું બાઈંગ
ડીઆઈઆઈ એટલે કે સ્થાનિક નાણા સંસ્થાઓએ 27 નવેમ્બરના રોજ 3,940 કરોડ રૂપિયાની ચોખ્ખી ખરીદી કરી હતી. નવેમ્બરમાં ડીઆઈઆઈએ કુલ રૂપિયા 72,935 કરોડની ચોખ્ખી ખરીદી કરી હતી.
શેરબજારમાં તેજીના કારણો
(1) યુએસ ફેડરલ રીઝર્વની મળનારી બેઠકમાં ફેડ રેટમાં 25 બેસીસ પોઈન્ટનો કટ આવવાની ધારણા છે. જેને કારણે ગ્લોબલ માર્કેટનું સેન્ટિમેન્ટ પોઝિટિવ થયું હતું. યુએસમાં વ્યાજ દર ઘટે તો વિદેશી રોકાણનો પ્રવાહ ભારતીય શેરબજાર તરફ આવે તેવી ગણતરી પાછળ નવી લેવાલી રહી હતી.
(2) રીઝર્વ બેંક ઓફ ઈન્ડિયાની મોનેટરી પૉલીસીની રિવ્યૂ બેઠકમાં રેપો રેટમાં 25 બેસીસ પોઈન્ટનો ઘટાડો થવાનો આશાવાદ છે. કારણ કે ભારતમાં ફુગાવાનો દર આરબીઆઈના લક્ષ્યાંક કરતાં નીચે ચાલી રહ્યો છે. આથી વ્યાજ દરમાં ઘટાડો થવાની ધારણા મુકાઈ રહી છે. વ્યાજ દર ઘટશે તો જીડીપી ગ્રોથમાં વૃદ્ધિનું અનુમાન પણ છે.
(3) કંપનીઓના ત્રીજા ત્રિમાસિકગાળાના પરિણામો પ્રોત્સાહક આવવાનો આશાવાદ છે. કારણ કે જીએસટી રીફોર્મ્સ અને જીએસટી રેટ કટથી બજારોમાં ધૂમ ખરીદી રહી છે, તેમજ ચોમાસું પણ ધારણા કરતાં સારુ ગયું છે. જેને કારણે કંપનીઓના અર્નિંગ્સ સારા રહેશે.
શેરબજારમાં ત્રીજા અઠવાડિયે તેજી
શેરબજારમાં સતત ત્રીજા અઠવાડિયે તેજી રહી છે. બીએસઈ સેન્સેક્સ 475 પોઈન્ટ અને એનએસઈ નિફ્ટી 134 પોઈન્ટ પ્લસ રહ્યા છે. બેંક નિફ્ટીમાં સાપ્તાહિક 885 પોઈન્ટનો ઉછાળો દર્શાવે છે.
આગામી સપ્તાહે તેજીની આગેકૂચ રહેશે?
શેરબજારમાં આગામી સપ્તાહે તેજીની આગેકૂચ રહેશે. દરેક ઘટાડે નવી ખરીદી આવશે. ટેકનિકલી માર્કેટ સ્ટ્રોંગ છે. નિફ્ટી સતત 26,200 ઉપર બંધ રહેવામાં સફળ થયો છે. ઉપરમાં 26,350 અને 26,500ના લેવલ બતાવી શકે છે. સેન્સેક્સ પણ 85,600 ઉપર બંધ રહ્યો છે, જે આગામી સપ્તાહે 86,200 અને 86,500ના લેવલ બતાવી શકે છે. બેંક નિફ્ટી 59,500 ઉપર બંધ છે, જે આગામી સપ્તાહે 60,000નું લેવલ બતાવે તો નવાઈ નહી.
એડવાન્સ ડેક્લાઈન રેશિયો નેેગેટિવ
આજે શુક્રવારે એડવાન્સ ડેકલાઈન રેશિયો નેગેટિવ રહ્યો છે. 1529 શેરના ભાવ વધ્યા હતા અને 1556 શેરના ભાવ ઘટ્યા હતા.
60 શેર બાવન વીક હાઈ પર બંધ હતા અને 107 શેર બાવન વીક લો પર બંધ હતા.
82 શેરમાં અપર સર્કિટ બ્રેકર લદાઈ હતી અને 43 શેરમાં લોઅર સર્કિટ બ્રેકર આવી હતી.
Top Trending News
Futures & Options Trading: નિફ્ટી, બેંક નિફ્ટી સહિત અનેક ઈન્ડેક્સોના લોટ સાઈઝમાં થશે ઘટાડો
ટોપ ગેઈનર્સ
એમ એન્ડ એમ(2.17 ટકા), અદાણી એન્ટરપ્રાઈઝ(1.20 ટકા), સન ફાર્મા(1.20 ટકા), કોટક બેંક(0.71 ટકા) અને હિન્દુસ્તાન યુનીલીવર(0.66 ટકા)
ટોપ લુઝર્સ
એસબીઆઈ લાઈફ(1.72 ટકા), એચડીએફસી લાઈફ(1.36 ટકા), શ્રી રામ ફાયનાન્સ(1.35 ટકા), પાવરગ્રીડ(1.35 ટકા) અને ભારતી એરટેલ(0.74 ટકા)