રાજ્યમાં સાર્વત્રિક મેધ મહેર : 139 તાલુકાઓમાં નોંધપાત્ર વરસાદ
ગાંધીનગર- ગુજરાતમાં વરસાદી માહોલ વચ્ચે છેલ્લા 24 કલાકમાં સાર્વત્રિક મેધ મહેર થઇ છે.(Gujarat Rain 2025) રાજ્યના 139 તાલુકાઓમાં નોંધપાત્ર વરસાદ વરસ્યો છે. જેમાં કપરાડા તાલુકામાં 10 ઈંચ, પોશીના, ધરમપુર તાલુકામાં 6-6 ઈંચ , રાધનપુર, ઉમરગામ, ભચાઉ, લાખણી, તલોદ અને પાલનપુર તાલુકામાં 4-4 ઈંચથી વધુ વરસાદ વરસ્યો હોવાના અહેવાલો છે.(Monsoon 2025 in Gujarat)
15 તાલુકામાં 3 ઈંચ વરસાદ
રાજ્યના સ્ટેટ ઈમરજન્સી ઑપરેશન સેન્ટર દ્વારા મળેલા અહેવાલો અનુસાર આજે તા. 7, સપ્ટેમ્બરના રોજ સવારે છ કલાકે પૂરા થતા 24 કલાક દરમિયાન સાણંદ, કડી, બોટાદ,સંતરામપુર, સતલાસણા, દાંતા, પડધરી, વાવ, ધાનેરા, પાટણ, પારડી, ભિલોડા, ખેડબ્રહ્મા, પ્રાંતિજ, ઉમરપાડા અને મોડાસા મળી કુલ 15 તાલુકાઓમાં ત્રણ ઈંચ જેટલો વરસાદ નોધાયો છે.
38 તાલુકમાં બે ઈંચ વરસાદ
આ ઉપરાંત મહેસાણા, ટંકારા, બાયડ સિદ્ધપુર, રાપર, જામકંડોરણા,ધાનપુર ખેરગામ, ઈડર, વાપી, સાગબારા, ઝાલોદ, ખેરાલુ, વિસનગર, બાલાસિનોર, તિલકવાડા, માળીયા, દસક્રોઈ, હાલોલ, ઝાંબુધોડા, દસાડા, સંખેડા, દાહોદ, વિરમગામ, ધોરાજી, જોડીયા, જોટાણા, વલસાડ, કડાણા, હળવદ, સૂઈગામ, ઉંઝા, રાજકોટ, થરાદ, બોડેલી, ધ્રોલ અને વડનગર મળી કુલ 38 તાલુકાઓમાં બે ઈંચ જેટલો વરસાદ વરસ્યો છે. જ્યારે રાજ્યના અન્ય 75 તાલુકાઓમાં એક થી અડધો ઈંચ જેટલો વરસાદ વરસ્યો છે.
મોસમનો કુલ વરસાદ
અત્રે ઉલ્લેખનીય છે કે, રાજ્યમાં ચાલુ મોસમનો સરેરાશ વરસાદ 102.89 ટકા જેટલો નોધાયો છે. જેમાં ઉત્તર ગુજરાત રિજીયનમાં(Rain In North Gujarat) 106.50 ટકા, પૂર્વ મધ્ય ગુજરાત રીજીયનમાં(Rain In Central Gujarat) 107.34 ટકા, સૌરાષ્ટ્ર રીજીયનમાં(Rain In Saurastra) 91.29 ટકા અને દક્ષિણ રીજીયનમાં(Rain In South Gujarat) 107.99 ટકા જેટલો વરસાદ નોધાયો છે.