- પ્રાઈસ બેન્ડ રૂ. 695 – 735 પ્રતિ ઈક્વિટી શેર જેની ફેસ વેલ્યુ દરેક દીઠ રૂ. 10 છે
- બિડ/ઓફર ખોલવાની તારીખ બુધવાર, 6 સપ્ટેમ્બર, 2023 અને બિડ/ઓફરની અંતિમ તારીખ શુક્રવાર, 8 સપ્ટેમ્બર, 2023
- ન્યૂનતમ બિડ લોટ 20 ઇક્વિટી શેર્સ છે અને ત્યારબાદ 20 ઇક્વિટી શેરના ગુણાંકમાં
- ફ્લોર પ્રાઈસ ઈક્વિટી શેરની ફેસ વેલ્યુ કરતાં 69.50 ગણી છે અને કેપ પ્રાઈસ ઈક્વિટી શેરની ફેસ વેલ્યુ કરતાં 73.50 ગણી
જ્યુપિટર લાઈફ લાઈન હોસ્પિટલ લિમિટેડ આઈપીઓ લઈને 6 સપ્ટેમ્બરે મૂડીબજારમાં પ્રવેશી રહી છે. આ આઈપીઓ 8 સપ્ટેમ્બરે બંધ થશે. તેના શેરની પ્રાઈઝ બેન્ડ રૂ.695થી 735 નિયત કરાઈ છે. ( Jupiter Life Line Hospitals Limited )
જ્યુપિટર લાઈફ લાઈન હોસ્પિટલ્સ લિમિટેડ એ મુંબઈ મેટ્રોપોલિટન એરિયા (MMR) અને ભારતના પશ્ચિમ વિસ્તારમાં મુખ્ય મલ્ટી-સ્પેશિયાલિટી તૃતીય અને ચતુર્થાંશ આરોગ્યસંભાળ પ્રદાતાઓમાંની એક છે, તેની પાસે 31 માર્ચ, 2023 સુધીમાં ત્રણ હોસ્પિટલોમાં કુલ 1,194 હોસ્પિટલ બેડની ક્ષમતા છે. ( ક્રિસિલ રિપોર્ટ )
કંપનીએ તેની પ્રથમ જાહેર ઓફર માટે ઇક્વિટી શેર દીઠ રૂપિયા 695થી 735ના ભાવે પ્રાઇસ બેન્ડ નક્કી કર્યા છે. કંપનીની પ્રારંભિક જાહેર ઓફર ( IPO અથવા ઓફર ) બુધવારે, સપ્ટેમ્બર 6, 2023, સબસ્ક્રિપ્શન માટે ખુલશે અને શુક્રવાર, સપ્ટેમ્બર 8, 2023 ના રોજ બંધ થશે. રોકાણકારો ન્યૂનતમ 20 ઇક્વિટી શેર માટે અને ત્યાર બાદ 20 ઇક્વિટી શેરના ગુણાંકમાં બિડ કરી શકે છે.
IPOમાં રૂ. 5,402.01 મિલિયન સુધીના દરેક રૂપિયા 10ના ફેસ વેલ્યુના ઇક્વિટી શેરનો તાજો ઇશ્યૂ અને 4.45 મિલિયન ઇક્વિટી શેરની ઓફર ફોર સેલ (OFS)નો સમાવેશ થાય છે.
દવા અને આરોગ્યસંભાળના ક્ષેત્રમાં 3 દાયકાથી વધુનો અનુભવ ધરાતા સંસ્થાપક, અધ્યક્ષ અને મેનેજિંગ ડિરેક્ટર ડૉ. અજય પી ઠક્કર અને ડૉ. અંકિત ઠક્કર, એક્ઝિક્યુટિવ ડિરેક્ટર અને ચીફ એક્ઝિક્યુટિવ ઑફિસરની આગેવાની હેઠળ કે જેઓ હેલ્થકેર ક્ષેત્રમાં એક દાયકાથી વધુનો અનુભવ ધરાવે છે. કંપનીએ 2007માં થાણે, મહારાષ્ટ્રમાં એક હોસ્પિટલ સાથે કામગીરી શરૂ કરી હતી અને ભારતના પશ્ચિમી પ્રદેશોમાં કોર્પોરેટ ક્વાટર્નરી કેર હેલ્થકેર સર્વિસ પ્રોવાઈડર તરીકે 15 વર્ષથી વધુ સમયથી કાર્યરત છે. તે હાલમાં “જ્યુપિટર” બ્રાન્ડ હેઠળ થાણે, પુણે અને ઈન્દોરમાં ત્રણ હોસ્પિટલોનું સંચાલન કરે છે.
જ્યુપિટર હોસ્પિટલ્સ પશ્ચિમ ભારતના હેલ્થકેર માર્કેટ પર વ્યૂહાત્મક ધ્યાન કેન્દ્રિત કરે છે. તે હાલમાં મહારાષ્ટ્રના ડોમ્બિવલીમાં મલ્ટિસ્પેશિયાલિટી હોસ્પિટલ વિકસાવવાની પ્રક્રિયામાં છે, જે 500 થી વધુ બેડને સમાવવા માટે તૈયાર કરવામાં આવી છે. હોસ્પિટલનું બાંધકામ એપ્રિલ 2023માં શરૂ થયું હતું અને તે 6,00,000 ચોરસ ફૂટમાં ફેલાયેલું હશે.
ICICI સિક્યોરિટીઝ લિમિટેડ, નુવામા વેલ્થ મેનેજમેન્ટ લિમિટેડ (અગાઉ એડલવાઈસ સિક્યોરિટીઝ લિમિટેડ તરીકે ઓળખાતું હતું), અને JM ફાયનાન્સિયલ લિમિટેડ બુક રનિંગ લીડ મેનેજર્સ છે અને KFin ટેક્નોલોજીસ લિમિટેડ એ ઓફર માટે રજિસ્ટ્રાર છે. ઈક્વિટી શેર બીએસઈ અને એનએસઈ પર લિસ્ટેડ થવાની દરખાસ્ત છે.
